Ish nxënësi i shkolles fillore “Ismet Raci” dhe ish ambasadori i Kosovës në Francë, profesor dr. Qendrim Gashi ka vizituar sot shkollen fillore “Ismet Rraci” në Klinë ku ka takuar drejtorin Blerim Kelmendi, nxënës dhe mësimdhënës të shkollës.
Në këtë ceremoni që është organizuar për Diten e Matematikës, kanë marrë pjesë drejtori i DKA-së Qemajl Sejdiu, ish drejtori i shkollës Ahmet Krasniqi, etj, ndërsa emocionuese ka qenë takimi me arsimtarin e tij të matematikës Xhevat Gjoci.
Ai ka zhvilluar një bashkëbisedim me nxënësit e kësaj shkolle. Profesori Qendrim Gashi i doktorruar në fushën e matematikës ju ka thënë nxënësve në bashkëbisedim se matematika është gjuhë universale. “Pavarësisht a shkoni në Argjentinë, në Tailandë apo në Afriken e Jugut, e keni të njëjtën gjuhë, dhe kjo është shumë e bukur” – ka thënë Gashi.
Pas ligjeratës me nxënësit dhe përshëndetjes me stafin, ai në oborrin e shkolles ka shfrytëzuar rastin të luaj për pak minuta volejboll me nxënësit e kësaj shkolle.
Qendrim Gashi njihet si talent i rrallë në botë. Nga shkolla fillore ai kishte kaluar direkt në studime, të cilat i kishte përfunduar në Universitetin e Cambrigjit në Angli.
Gjatë vizitës në shkollen “Ismet Rraci”, atij i është ndarë një mirënjohje nga drejtori i shkolles Blerim Kelmendi dhe i ështe dhuruar një piktur si dhuratë. / Marrë nga Radio Alba
