Profesori nga Malisheva, Januz Kastrati, pak ditë para fillimit të vitit të ri shkollor ka shkruar një letër që lidhet me organizimet që bëhen me rastet e pensionimit të mësimdhënësve.
Ai ka thënë se në ditën kur do të pensionohet nuk do të ketë një organizim të tillë.
“Për mua nuk do të ketë: as çmim, as mirënjohje, as falënderim as dhuratë nga asnjë institucion sepse nuk do të ketë organizim me rastin e pensionimit”, ka shkruar ai në Facebook, shkruan AlbanianEducation.net.
“E gjithë kjo është një reagim i vogël ndaj disa dukurive rreth mirënjohjeve dhe çmimeve që ndahen për rezultatet e arritura në arsim, e sidomos me rastin e pensionimit të mësimdhënësve, para se gjithash ndaj një kategorie që me të vërtetë kanë merituar të paktën një falënderim gjatë kohës së tyre aktive”, ka shkruar ai në letër.
