Profesori nga Kosova, Valon Murtezaj, është nominuar për Çmimin për Ekselencë në Mësimdhënie, në IESEG një nga shkollat më të mira në botë në fushën e menaxhimit.
Njoftimin e ka bërë vet ai përmes një postimi në Facebook ku ka njoftuar se nominimi është mirënjohje në vete, për cilësinë dhe përfshirjen e profesorit në mësimdhënie cilësore dhe në suksesin e studentëve, shkruan Albanian Kids Education.
Postimi i tij:
Ndjehem i lumtur që edhe sivjet, për herë të dytë, jam nominuar për Çmimin për Ekselencë në Mësimdhënie, në IESEG një nga shkollat më të mira në botë në fushën e menaxhimit.
Nominimi është mirënjohje në vete, për cilësinë dhe përfshirjen e profesorit në mësimdhënie cilësore dhe në suksesin e studentëve.
Sido që të jetë vendimi final, për mua është nderim dhe privilegj jetësor të jem në mesin e profesorëve finalistë në kuadër të programeve të studimeve master (postgraduate), kolegëve e miqve profesorë eminentë të botës në fushat e tyre të shkencës dhe mësimdhënies.
Në veçanti falenderoj studentët që vijnë nga të gjitha kontinentet për vlerësimin që më kanë bërë.
