Rron Gjinovci u arrestua sot pas një performance në të cilën pengoi për disa minuta ligjëratën e Bujar Dugollit të cilin Komisioni i Etikës së Universitetit të Prishtinës e ka konsideruar “plagjiator”.
Dugolli është shprehur pak më herët në një emision të televizionit T7.
“Këto janë përpjekje të tij personale për ta ndalur ndikimin që ai beson që e kam unë… për t’i ndalur qëllimet e tij në universitet,” – thotë Dugolli.
Ai ka akuzuar organizatën që drejtohet nga Rron Gjinovci se po provon të shtrijë ndikim në Universitetin e Prishtinës.
Më tej, Dugolli është lëshuar edhe në cilësime personale ndaj z. Gjinovci, të cilin e quan “student të dështuar” që iu deshën “10 vjet për t’i kryer studimet themelore në Universitetin e Prishtinës”.
Dugolli më parë ishte edhe dekan i Fakultetit Filozofik.
