Profesoresha Majlinda Bregasi mban ligjeratë në Universitetin e Salentos

Profesoresha Majlinda Bregasi ka mbajtur një ligjëratë me temën “Të shkruash për të jetuar” në kuadër të kursit të doktoraturës në Departamentin e Shkencave Humane në Universitetin e Salentos.

Ligjërata u zhvillua në seminarin “Italishtja L2 dhe LS për një shoqëri mikpritëse – didaktikë, hulumtim, punë,” ku ajo trajtoi letërsinë e migrimit dhe rolin e autorëve shqiptarë në Itali.

Bregasi paraqiti një analizë mbi stereotipizimin dhe skematizimin që kritika e huaj shpesh i bën letërsisë shqiptare, duke u bazuar vetëm në korpusin e letërsisë së autorëve emigrantë.

Ajo shqyrtoi ndikimin e kësaj letërsie në perceptimin e kulturës shqiptare, si dhe mënyrat në të cilat ky perceptim është shpesh i shtrembëruar apo modifikuar për nevoja të tregut.