Shkrim për AlbanianEducation.net nga profesor Qendrim Morina
Ideja e Ministrisë së Arsimit që sivjet prindërve t’u kalojë përgjegjësia e blerjes së librave, po del të jetë dështim i madh dhe punë e menduar jo në formën e mirë.
Në ditët e fillimshtatorit, po kemi një varg prindërish, të shqetësuar sigurisht, që po presin nëpër librari të ndryshme për t’ua siguruar sa më shpejtë librat shkollorë që u duhen.
Brengë e madhe është edhe shfrytëzimi i mjeteve të shpërndara nga ministria në xhepat e prindërve. Mos vallë po i përdorin për alternativa dhe nevoja personale- dhe jo për qëllimin- librat.
Jashtë çdo gjëje teknike është edhe vendi që do të zë Kosova në vlerësimin ndërkombëtar PISA. Kujtojmë, në vitin 2015, pati zënë vendin e parafundit në listën pjesëmarrëse, duke llogaritur këtu furnizimin në kohë me librat në atë kohë. Ç’rezultati katastrofë? E, tash? Pa libra? Me libra të vonuar?
Gjithë këtë katrahurë e përshkruajnë më se miri vargjet:
“Oj zanë, t’këndojmë…t’vajtojmë deshta me të thanun”.
