Prindi kërcënoi stafin e shkollës në Istog për notat e djalit

Prindërit jo rrallë herë ndahen të pakënaqur me suksesin e fëmijëve të tyre në shkollë.

Një rast i tillë ka ndodhur në Istog në fund të këtij viti shkollor.

Në shkollën “Bajram Curri” në Istog është arrestuar një person pasi në shenjë pakënaqësie me suksesin në mësime të djalit të tij e kishte kanosur stafin e shkollës.

Në raportin e policisë thuhet se me vendim të prokurorit i dyshuari është liruar, rasti vazhdon në procedurë të rregullt.

“Është arrestuar i dyshuari mashkull kosovar pasi i njëjti në shenjë pakënaqësie me suksesin në mësime të djalit të tij kishte kanosur stafin e shkollës. Me vendim të prokurorit i dyshuari është liruar, rasti vazhdon në procedurë të rregullt”, thuhet në njoftimin policor.

@AlbanianEducation.net