Marina Daka me këngën “Princesha e babit”. Drejtori, Kujtim Aliaj, duke e cilësuar një sukses organizimin, tha se tashmë do të nisë puna për jubileun e 60-të festivalit.
Marina Daka me këngën “Princesha e babit” fitoi edicionin e 59-të të festivalit mbarëkombëtar të këngës për fëmijë.
Me tekst dhe muzikë të Eriona Rushitit dhe orkestrim të Enis Mullaj, vajza nga Fieri rrëmbeu votat e jurisë dhe arriti suksesin në pjesëmarrjen e parë në Festivalin e Shkodrës.
Plot ngjyra dhe ritëm erdhen në këtë natë finale 18 interpretimet e të fëmijeve nga të gjitha trojet shqipfolëse që kurorëzuan një tjetër edicion të suksesshëm të kësaj feste muzikore.
Shkodra pas kurorëzimit të këtij edicioni, nis menjëherë përgatitjet për jubileun e 60-të të këtij festivali, që t’i japë Shqipërisë atë që realisht meriton ky rrugëtim i këngës për fëmijë.
Me çmim të dytë në këtë festival u vlerësuan kënga “Vetminë askush se duron” kënduar nga Uarda Dibra dhe “Fal Dashuri ” nga Sibora Teqja mori vendin e tretë.
Në këtë natë nuk munguan surprizat dhe numrat artistik, mes të cilave rikthimi i këngës së kompozuar prej profesor Kujtim Alisë, i cili pak ditë më parë festoi 60-vjetorin e lindjes.
