Kryetari i LDK’së, Lumir Abdixhiku, ka shpalosur sot në Vushtrri, programin e kësaj partie për arsim, që ka thënë se është edhe prioritet i tyre.
Abdixhiku ka thënë se do ta bëjnë mësimin gjithëditor edhe në së paku pesë komuna të tjera në Kosovë. Ai ka premtuar edhe koeficient prej 150 euro për secalin mësimdhënës, që në mesatare ka thënë se i bie rritje e pagave për 200 euro që në javën e parë, shkruan Reporteri.net.
Abdixhiku ka thënë se do të ketë edhe digjitalizim i shkollave dhe se do të lansojnë Planin Kombëtar për Edukim të hershëm, me qëllim të sigurimit të çerdheve për fëmijët nga mosha 3 vjeçare dhe se si rrjedhojë, do të ndërtojnë 80 çerdhe të reja në katër vjet.
“Provim Kombëtar për mësimdhënësit e rinj, me qëllim të eliminimit të interferimeve politike dhe jo vetëm në vendet e reja të punës. Mësimdhënësit me poentim të lartë do të alokohen me automatizëm në vendet e hapura të punës”, ka shkruar tutje Abdixhiku.
