Prekëse: Nxënësi nga Drenica merr rrugën e mërgimit, përshëndetet me shokët e shoqet e klasës

Qytetarë nga qytete të ndryshme të vendit vazhdojnë  të marrin vendim që të largohen nga Kosova me familjet e tyre drejt mërgimit përnjë jetë më të mirë.

Dhe vendimet e tyre po i prekin jo pak edhe fëmijët, pasi po detyrohen të ‘braktisin’ shkollën, mësimdhënësit e shoqet e shokët e klasës.

Një rast i tillë së fundmi ka ndodhur me një nxënës tëklasës së parë nga Drenica, i cili përshëndetet me shoqërinë e tij dhe mësuesen e dashur para se të marrë rrugën e gurbetit, raporton Drenica Online.

Edhe më prekëse ishte se kjo përshëndetje erdhi pas festës së flamurit ku të gjithë nxënësit ishin veshur kuq e zi për ta shënuar këtë ditë të madhe për kombin.