Po vazhdon emigrimi i familjeve nga Kosova drejt shteteve të ndryshme të botës.
Si pasojë e kësaj po zvogëlohet edhe numri i nxënësëve në shkolla.
Së fundmi një nxënës i klasës së katërt të shkollës “7 Marsi” në Prishtinë është përshëndetur me mësuesen dhe shokët e shoqet e klasës.
AlbanianEducation.net ka siguruar një foto ku shihet nxënësi Blendi Kastrati së bashku me klasën ku deri tani ka mësuar.
Mësuesja Zyrafete Avdiu i ka dhuruar një libër nxënësit, dhe i ka uruar çdo të mirë në rrugëtimin e tij të ri.
“Me të vërtetë atë ditë kur u përshëndeta me Blendin nuk ishte një ditë si të tjerat e zakonshme, si unë ashtu edhe shoqet e shokët e tij ishin të mërzitur. Blendit dhe familjes së tij i uroj çdo të mirë në jetën e tyre në Gjermani”, ka thënë mësuesja Zyrafete për AlbanianEducation.net.
