Teze,hallë, mami, babi apo gjyshërit, të gjithë ata që kanë në plan t`u blejnë fëmijëve dhurata për festat e fundvitit, nuk duhet të harrojnë librin.
Pediatrja Lira Gjika përmes një statusi në Facebook shkruan se e rëndësishme është që bashkë me dhuratat fëmijës në ditët festive sidomos t`u mësohet mirësia, dashuria dhe vlera.
“Prindër! festat e fundvitit janë fare pranë dhe natyrisht ata që gëzojnë më shumë janë fëmijët. Ata mezi po presin të marrin dhuratat. A janë ato që kanë dëshiruar apo një dhuratë që as nuk u ka shkuar në mënd? Prindër, përpiquni ti trasmetoni fëmijëve tuaj nëpërmjet dhuratës, atë që të gjithë dëshirojmë më shumë, vlerën, mirësinë, dashurinë. Këto “të treja” as nuk preken dhe as nuk shihen, por vetëm perceptohen dhe trasmetohen nga njeriu te njeriu. Dhurata e përzgjedhur mirë e ka këtë aftësi, të bëjë të prekshme dhe të dukshme vlerën, mirësinë dhe dashurinë dhe mos harroni tu dhuroni fëmijjëve edhe një libër”,tha Lira Gjika.
