- Advertisement1-
Poezi nga Selim Tahiri
Se jam shqiptar
Këtu,
Në këtë tokë të lashtë
Me gjak trimash larë
Lindur jam
Në këto bjeshkë me borë,
Ku besa u dha
Ku fyelli jehon
E shqiponja folenë ka
Rritur jam
Në këtë tokë arbërore,
Bekuar nga zoti vetë,
Ku dhe guri e druri, shqip flet
Çdoherë,
Në dimër e pranverë
Në shi e në diell
Kudo,
Në stanet prej druri,
Në kullat prej guri
Flamurin ngritur e kam
Sypatrembur jam,
Plisbardhë
S’e lëshoj unë t’shenjtin vatan
Se jam shqiptar more hej!
Jam shqiptar!
