Poezi nga Arbër Paçarizi
DEA dhe PULA
Ti moj pulë, pikaloshe
Trashulluqe, bukuroshe
A ma fal, nje kokërr vezë ?
Që ta ziej për mëngjes
Ti moj pulë, pikaloshe
Pendë zgjatur, e sy kaltroshe
A ma fal, një kokërr vezë ?
Ta fërgoj për mëngjes
Ti moj pulë, e bukura pulë
Me kurorën, lartë si lulë
Me këmbë t’gjata, leshatoke
Me zogjë t’bukur, kokë për koke
Ti moj pulë, e ëmbla pulë
Rro-ko-ko, po këndon
Përçdo ditë, me kokërr vezë
Ti shumë Dejen, e gëzon
________________________________
LEPURI dhe DEA
Une jam Lepurushi
Veshë gjati, e hundë kuqi
Une jam ore Deushja
Veshë vogël, e faqe kuqja
Une jam Lepurushi
Kam gëzofin si pelushi
Se jam shoku i Deushit
Jam i dashur nga gjithkushi
Lepur, Lepur, Lepurush
Të don Dea, Lepurush
Une hop, Lepri hop
Ne të dy, luajm tokë
Dea, Dea moj Deushë
Të don Lepuri, Lepurush
Une hop, Dea hop
Hedhim lakrën sikur top
____________________________
MACJA DEJËS
Dea ka një mace
Është e bukur shumë
Sillet sillet rrotull
Pa Dejen s’flen gjumë
Është trashuluqe
Ka flokët e bardha
Kur kthehet nga shkolla
Dejes, del përpara
Ato lozin s’bashku
Me gaz e hare
Lodrat pranë po qajn
Pse s’lozni me ne
Dea e don macen
Më shumë se sa lodrat
Shpesh e fut në çant
Për ta marr tek shkolla
Dea ka një mace
Është e bukur shumë
Sillen sillen rrotull
Së bashku flejn gjumë
