Një nismë e ndërmarrë nga Komuna e Deçanit për të parandaluar ngacmimet seksuale në shkolla po kundërshtohet nga mësimdhënësit.
Ata janë kundër vendosjes së kamerave nëpër klasa. Kundër jetësimit të nismës është deklaruar edhe komisionerja për informim dhe privatësi. Por, në autoritetet komunale theksuan se nuk shohin masë tjetër për parandalim dhe për sigurinë e nxënësve përpos vendosjes së kamerave.
Komuna e Deçanin synon ta bëjë parandalimin dhe mbrojtjen nga ngacmimet seksuale në shkolla përmes vendosjes së kamerave vëzhguese brenda klasave.
Por, këtë po e kundërshtojnë disa mësimdhënës.
Albanian Education.net ka realizuar një anketë me lexuesit të cilët i ka pyetur nëse duhet të vendosen apo jo kamera në klasë, dhe nëse vendosja eventuale e tyre është fyerje për mësimdhënësit.
55% e lexuesve janë përgjigjur në opsionin ‘PO’, 34% e lexusve janë përgjigjur ‘JO’, kurse 11% është fyerje për mësimdhënësit.
