Piloti e lë të dashurën t’i japë aeroplanit, trishtohen pasagjerët / VIDEO

Kemi dëgjuar për makinën që mund t’ia lësh të dashurës një xhiro, por për një avion pasagjerësh ende jo.

Prokurorët rusë janë duke hetuar rreth disa pamjeve të publikuara në rrjetet sociale, ku një udhëtare është lejuar nga pilotët e aeroplanit që të ulet në vendin e tyre gjatë fluturimit të rregullt.

Rasti ka ndodhur gjatë fluturimit mbi Siberi më 31 Gusht 2019, por video është publikuar së fundmi në internet. Gruaja, e quajtur Ana, pa asnjë kualifikim si pilote, është e dashura e pilotit, të quajtur Kirill.

Ajo është filmuar te komandat e avionit ndërkohë që zëri i pilotit dëgjohet teksa i jep udhëzime. Kjo gjë ka shkaktuar frikë te pasagjerët.