Lorenzo i vogël lindi më shumë se katër muaj më herët dhe peshonte më pak se katërqind gramë, por një ndërhyrje e kryer nga specialistët e spitalit Policlinico në Milano i shpëtoi jetën.
Kur lindi, foshnja peshonte vetëm 370 gram dhe nuk kishte forcë të qante: në fakt mushkëritë e tij nuk ishin formuar ende. Krahas këtij problemi, i vogli kishte një perforim të rëndë të zorrëve për faktin se organet ende nuk i ishin zhvilluar.
Kirurgët pediatër e nënshtruan ndaj një operacioni shumë delikat. Fatmirësisht pas operacionit gjendja e fëmijës u stabilizua. Përveç shtimit në peshë, u bë i mundur edhe “riaktivizimi i zorrëve”. “Sot Lorenzo është mirë, shkoi në shtëpi dhe arriti 3 kilogramë: dhe për këtë, ai do të mbetet gjithmonë një superhero për ne” – u shprehën mjekët.
