Dhunat në shkollat e Kosovës vazhdon të jetë një dukuri tejet shqetësuese.
Jo vetëm në shkollat publike por edhe në ato private por ndoshin rrahje mes nxënësve.
Një rrahje mes nxënësve së fundmi ka ndodhur në shkollën e mesme të mjekësisë ‘Rezonanca’, me ç’rast tre nga ta kanë përfunduar në pranga.
Këtë e kanë konfirmuar nga Prokuroria Themelore në Prishtinë për AlbanianEducation.net.
“Referuar pyetjeve tuaja, ju njoftojmë se me aktvendim mbi ndalim të lëshuar nga Prokurori i Shtetit, janë ndaluar tre të dyshuar të përfshirë në këtë rast (dy të mitur dhe një madhor), pasi dyshohen për veprën penale “Lëndimi i lehtë trupor”, sipas KPRK-së”, kanë thënë nga Prokuroria Themelore për AlbanianEducation.net.
Prokuroria më tej thotë se ndaj rastit në fjalë janë duke u ndërmarrë veprime hetimore në koordinim me institucionet relevante.
AlbanianEducation.net ka marrë një përgjigje edhe nga shkolla Rezonanca të cilët kanë konfirmuar se ka ndodhur një rast i rrahjes në shkollën e tyre, por mohojnë që ndonjë nxënës të ketë përfunduar në spital. /AlbanianEducation.net/.
