Sot rreth orës 10:00 një përleshje mes disa nxënësve ka ndodhur në një shkollë fillore në Gjakovë, ku tre prej tyre kanë mbetur të lënduar.
Rastin e ka konfirmuar zëdhënësi për rajonin e Gjakovës, Sheremet Elezaj.
Zëdhënësi Elezaj bëri të ditur se dyshohet ata janë lënduar me mjete të forta dhe rasti po hetohet.
“Rreth orës 10:00 është raportuar se tre fëmijë kanë pranuar trajtim mjekësor pasi ishin përfshirë në një përleshje fizike në një shkollë në lagjen “Dardania” në Gjakovë. Pasi kanë pranuar ndihmën e nevojshme mjekësore janë liruar nga spitali (sipas personelit mjekësor dhe hetimeve të para të zhvilluara bëhet fjalë për lëndime të lehta trupore të cilat dyshohet të jenë shkaktuar nga mjete të forta). Policia ju ka përgjigjur rastit dhe është duke u vazhduar me procedurë të rregullt hetimor”, tha Elezaj.
