Intervistoi: Donat Maloku
Qysh e vogël ka nisur të merret me balet, por kur të rritet dëshiron të bëhet krejt diçka tjetër. Ëndërron të bëhet një prezantuese e njohur. Fjala është për 8-vjeçaren Perla Lloci nga Tirana, e cila në një intervistë për Kids of Kosova (www.kidsofkosova.net) flet për aktivitetet e deritanishme dhe planet që ka në të ardhmen…
Kids of Kosova: A bën një prezantim, nga jeni, sa vjeçare?
Perla Lloci: Jam 8 vjeçare nga Tirana, ndjeki mësimet në klasë të tretë në shkollën private “Arbëria”.
Kids of Kosova: Ju merreni me balet, kur filluat?
Perla Lloci: Unë kam qenë 1 vjeçe e gjysmë kur mami më inkuadroi në kurs baleti, që e vazhdoj akoma dhe sot që jam bërë 8 vjeçare.
Në moshën 5 vjeçare jam përzgjedhur mes 100 fëmijëve në një audicion tek Top Chanel për emisionin “Dua të të bëj të lumtur”, dhe 2 vite rresht unë kam qenë asistentja e Arbana Osmanit, ndjek kursin e këngës tek qendra kulturore për fëmijë viti tretë radhazi ku dhe jam vlerësuar me certifikata çdo vit.
Kids of Kosova: Në çfarë aktivitete keni marrë pjesë?
Perla Lloci: Jam marrë pjesë në sfilatë të ndryshme dhe jam përzgjedhur si “Miss Kuq e Zi “Miss Fotozhenia” , kam marrë pjesë në reklama televizive të ndryshme dhe në vidioklipe këngësh.
Kids of Kosova: Kur të rriteni ëndërroni të merreni me balet apo me krejt diçka tjetër?
Perla Lloci: Unë tani kam shumë dëshira dhe i ndërroj çdo ditë, por skena ngelet një nga ëndrrat e mia kur kam publikun përpara që më troket. Ndjehem aq mirë dhe e bëjë akoma më mirë atë që kam marrë përsipër të bëjë. Kur të rritem dua të bëhem një prezantuese e njohur.
Kids of Kosova: Mesazhi juaj për moshatarët e juaj?
Perla Lloci: Moshatarëve të mija ju uroj të rriten të shëndetshëm dhe të lumtur, të duan prindërit të lexojnë sa më shumë, dhe të shijonë fëmijërinë, ne jemi e ardhmja.
(Kids of Kosova)
