Nga data 2 deri më 6 dhjetor 2024, në shkollën “Pjetër Bogdani” në Damjan të Gjakovës , Ekipi Komunal për Vlerësim Kolegial ka realizuar me sukses procesin e vlerësimit të udhëhequr nga kolegët e shkollave: “Jahë Salihu” Molliq dhe “Dy Dëshmorët” Sheremet.
Njoftimi:
Nga data 2 deri më 6 dhjetor 2024, Ekipi Komunal për Vlerësim Kolegial ka realizuar me sukses procesin e vlerësimit të udhëhequr nga kolegët e shkollave: “Jahë Salihu” Molliq dhe “Dy Dëshmorët” Sheremet.
Gjatë këtyre pesë ditëve, patëm nderin të ndajmë dhe të promovojmë praktikat e mira të punës së stafit mësimdhënës, si dhe të shqyrtojmë dokumentacionin zyrtar të shkollës sonë.
Një falënderim i veçantë i shkon drejtorit të shkollës “Jahë Salihu”, z. Isa Zenuni, dhe drejtoreshës së shkollës “Dy Dëshmorët”, znj. Teuta Haxhiu, për bashkëpunimin e tyre të jashtëzakonshëm. Gjithashtu, shprehim mirënjohje për anëtarët e Ekipit Komunal për Vlerësim Kolegial: znj. Samile Sadrija, znj. Shqipe Haxhija, z. Shaban Ramaj, znj. Filloreta Gërvalla Sejda, z. Ilir Gjokaj, znj. Ardiana Feraj Bushati, dhe znj. Drita Beqiraj.
Me përzemërsi falënderojmë edhe stafin mësimdhënës të shkollës sonë për profesionalizmin dhe përkushtimin e treguar gjatë këtij procesi.
Raporti përfundimtar i Ekipit Komunal, i prezantuar sot në prani të Ekipit për Zhvillimin e Shkollës, do të shërbejë si një udhërrëfyes i rëndësishëm për përmirësimin e cilësisë së punës sonë në të ardhmen.
Procesi i Vlerësimit të Shkollës nga kolegët është realizuar me mbështetjen e Drejtorisë së Arsimit Gjakovë, nën drejtimin e znj. Eranda Baçi, znj. Flutur Këpuska, dhe z. Dukagjin Ademi.
Me respekt,
Nazmi Pnishi
Drejtor në SHFMU “Pjetër Bogdani” në Damjan
