Ka përfunduar trajnimi i edukatoreve për pilotim të Kurrikulës për Edukim në Fëmijërinë e Hershme. Njoftimin e ka dhënë ministrja e Arsimit, Arbërie Nagavci përmes njê postimi në Facebook.
Njoftimi i plotë:
Kam kënaqësinë të ju njoftoj se sot kemi përfunduar trajnimin e edukatoreve për fillimin e procesit të pilotimit të Kurrikulës së Edukimit në Fëmijërinë e Hershme, e cila do të pilotohet në Prishtinë, Fushë Kosovë, Ferizaj, Gjakovë, Prizren, Suharekë, Gjilan, Kaçanik, Pejë dhe Vushtrri.
Bashkë me anëtarë nga kabineti vizituam sot grupet e ndara të cilat kanë përfunduar trajnimin për Kurrikulën e re, pilotimi i së cilës pritet të fillojë nga muaji shkurt i këtij viti në 12 institucione parashkollore dhe 20 klasë parafillore.
Si Ministri jemi kujdesur që në këtë proces të përfshihen të gjitha format e organizimit të procesit edukativ, në zonat urbane dhe zonat rurale, përfshirë institucionet parashkollore publike, private, publiko-private, qendrat me bazë në komunitet dhe klasat parafillore.
Në këtë proces trajnimi, janë përfshirë edukatoret, drejtoret e institucioneve parashkollore, psikologë\pedagogë të këtyre institucioneve, kordinatorë të cilësisë dhe zyrtarë komunal.
200 pjesëmarrës janë trajnuar për fazën e pilotimit të Kurrikulës për EFH ndërsa rreth 1200 fëmijë janë përfitues në këtë proces.Trajnimi për Kurrikulen e EFH është realizuar po ashtu edhe për të gjithë inspektorët e arsimit në nivel vendi.
/AlbanianEducation.net/.
