Drejtoresha e Arsimit në Komunën e Prishtinës, Jehona Lushaku ka uruar nxënësit, prindërit dhe mësimdhënësit për përfundimin e gjysmëvjetorit të parë.
Lushaku ka thënë se një falënderim i posaçëm shkon për mësimdhënësit, të cilët me devotshmëri dhe dashuri edhe këtë vit janë kujdesur për edukimin dhe zhvillimin e brezave të rinj, shkruan AlbanianEducation.net.
Postimi i saj:
Të nderuar nxënës, prindër dhe mësimdhënës,
Urime përfundimi i gjysmëvjetorit!
Një urim i veçantë për të gjithë nxënësit, që kanë punuar me përkushtim dhe prindërit që kanë mbështetur fëmijët e tyre në çdo hap.
Një falënderim i posaçëm shkon për mësimdhënësit, të cilët me devotshmëri dhe dashuri edhe këtë vit janë kujdesur për edukimin dhe zhvillimin e brezave të rinj.
Ju uroj pushime të këndshme, të mbushura me gëzime dhe ngrohtësi familjare.
Gëzuar Festat!
Jehona
