- Advertisement1-
MESAZH NGA DREJTORESHA E SHKOLLËS ME RASTIN E PËRFUNDIMIT TË GJYSMËVJETORIT TË PARË DHE FESTAVE TË FUNDVITIT.
Të dashur nxënës, prindër,kolegë dhe të gjithë ju që kontribuat në këtë periudhë katër mujore për shkollën tonë.
Në këtë periudhë të veçantë të vitit, kur zemrat tona mbushen me ngrohtësi, shpresë dhe dashuri, dua t’ju shpreh mirënjohjen time të thellë për përkushtimin dhe bashkëpunimin tuaj.
Festat e fundvitit janë një kohë për të reflektuar mbi arritjet tona dhe për të planifikuar me optimizëm vitin që vjen. Së bashku, kemi krijuar një komunitet të fortë që promovon edukimin, respektin dhe mirëkuptimin.
Ju uroj që këto festa t’i kaloni pranë njerëzve tuaj të dashur, me gëzim, paqe dhe harmoni. Qoftë viti i ri një fillim i mbarë për të gjithë, i mbushur me suksese dhe realizime të reja!
Gëzuar Festat dhe Vitin e Ri!
Me respekt,Behare Kryeziu
Drejtoresha e shkollës
