- Advertisement -
Në përvjetorin e 20-të të Klodit, mësuesja e tij ndihmëse Elda Elezi ndan një mesazh emocionues. Pas 7 vjetësh bashkëpunimi, nëpërmjet këtij dedikimi mësuese Elda thekson se Klodi i ka mësuar të shohë përtej kufijve dhe të përjetojë botën me dashuri dhe empati.
- paragrafi 1 -
Klod’, në këtë përvjetor tëndin prej dy dekadash, do doja të ndalesha pak.
Jo vetëm për të të uruar, por sepse për 7 vjet me radhë unë të mësova ato që ti në një mënyrë ose në një tjetër i dije sepse i kishe brenda teje, unë thjesht t’i shpërfaqa, ndërsa ti më hape një horizont tejet të ri përpara: plot ngjyra, pakufi e mbi të gjitha me shumë mirësi.
Të zgjata dorën, – më hape krahët, të mësova, – ti u bëre mentori im.
Më mësove se njeriu duhet të shohë përtej kufijve që Zoti i ka caktuar, duke kapërcyer në ato kufij të thyeshëm që Ai ia ka vendosur tjetërkujt dhe ta përjetojë atë botë si të ishte e vetja. Me atë kopjen shtesë të kromozomit 21, i cili është i mbushur me shumë dashuri.
Gëzuar ditëlindjen shok!
“Me shumë përqafime, mësuesja jote”
Nga Elda Elezi, kryetare e rrjetit profesional të mësuesve ndihmës, Lezhë (8 vjet qe punon si mësuese ndihmese)
- Advertisement -
© Portali Shkollor
