Është pensionuar punëtori teknik Shaban Mazreku i shkollës “Ibrahim Mazreku” në Malishevë.
Njoftimi i shkollës:
Në ambientet e SHFMU “Ibrahim Mazreku” Malishevë, së bashku me kolegë, familjarë dhe përfaqësues nga DKA, z. Sabit Berisha dhe z. Remzi Buqaj, organizuam një ceremoni modeste për pensionimin e punëtorit teknik, Shaban Mazreku.
Shefi i Arsimit në Malishevë i uroi pensionimin dhe e falënderoi z. Shaban për angazhimin dhe kontributin e tij të çmuar në mirëmbajtjen e ambientit shkollor, duke i ndarë një mirënjohje për kontributin e tij.
Drejtoresha e shkollës, znj. Rrezartë Mazreku-Kastrati, në emër të gjithë kolektivit dhe nxënësve të SHFMU “Ibrahim Mazreku”, i uroi ditëlindjen dhe pensionimin, duke i dëshiruar shëndet të mirë dhe qetësi pranë familjes.
Ajo i ndau një mirënjohje për gjithë punën dhe angazhimin e tij, si dhe i dhuroi një dhuratë simbolike në emër të shkollës.
Gëzuar ditëlindjen dhe pensionimin, Shaban Mazreku!
