Profesori i Historisë, Xhevdet Sadiku sot festoi ditëlindjen e tij të 65-të dhe daljen në pension, shkruan Albanianeducation.net.
Profesori Xhevdet punën e tij në arsimin shqip e filloi në vitin 1980, fillimisht në Shkollën e Mesme të Ulët “Bajram Curri” në Krushë të Madhe në lëndën e Historisë dhe Gjeografisë deri më 1999.
Pastaj kaloi në Shkollën e Mesme të Lartë ” Ramiz Sadiku” të Rahovecit, në paralelen e ndarë në Krushë të Madhe. Me pavarësimin e Shkollës të Mesme e Lartë në Krushë me emrin SHML “Ukshin Hoti”, Profesori Xhevdet vazhdoi me përkushtim të jepte kontributin e tij në shkollë, duke treguar aftësitë e tija intelektuale dhe profesionale.
Gjatë punës së tij prej pedagogu ka qenë gjithnjë i afërt dhe i dashur me kolegët e tij të punës dhe me nxënësit e tij.
Gjatë karrierës së tij 44 vjeqare ai tregoi rezultate të mëdha në mësimdhënje.
Në garat komunale dhe republikane të lëndës së Historisë, nxënësit e shkollës sonë arrinin rezultate të larta e të shkëlqyeshme.
Andaj Drejtori i shkollës Mustafa Hoti gjatë një kokteli të mbajtur me rastin e daljes së tij në pension, në një fjalim rasti, i uroi daljen e tij në pension duke e vlerësuar lartë punën dhe përkushtimin e tij në arsim, si dhe sukseset gjatë punës së tij 44 vjeçare, meç rast i ndau edhe një mirënjohje!
