Pensionohet profesori Xhelal Hama nga Mitrovica

Është pensionuar profesori Xhelal Hama nga Mitrovica pas shumë vitesh kontribut në edukimin e brezave në arsimin shqip, shkruan AlbanianEducation.net.

Profesori Hama ka dhënë mësim për dekada në gjimnazin “Frang Bardhi” në Mitrovicë, ku ka lënë gjurmë të pashlyeshme te gjenerata të tëra nxënësish.

Me rastin e pensionimit, kolegët e tij i kanë organizuar një ceremoni solemne në shenjë mirënjohjeje për punën dhe përkushtimin e tij shumëvjeçar.

Në këtë ceremoni, drejtori i gjimnazit, Luan Mehmeti, i dorëzoi profesorit Hama një mirënjohje për kontributin e çmuar në arsim dhe edukim.