Pas një karriere të gjatë në arsim, profesori Riza Sadikaj ka përmbyllur angazhimin e tij profesional në Shkollën e Mesme Teknike “Mit’hat Frashëri”, duke dalë në pension.
Gjatë viteve të punës së tij, prof. Sadikaj ka dhënë kontribut të çmuar në edukimin dhe formimin e shumë gjeneratave të nxënësve, duke u vlerësuar për përkushtimin, profesionalizmin dhe qasjen e tij të përgjegjshme në procesin mësimor.
Kolegët dhe ish-nxënësit e kujtojnë atë si një pedagog të respektuar, i cili me punën dhe përvojën e tij ka lënë gjurmë të rëndësishme në jetën shkollore dhe profesionale të shumë të rinjve.
Me rastin e pensionimit, për profesorin Riza Sadikaj janë shprehur urime për shëndet të mirë dhe një periudhë të qetë e të mbarë pensionimi, pas viteve të tëra të përkushtimit në shërbim të arsimit.
