Është pensionuar Remzi Ademi, profesor i shkollës profesionale “Zenel Hajdini”, shkruan AlbanianEducation.net.
Njoftimi i shkollës:
Profesor Remzi Ademi
Një Shembull i Dalluar në Arsim dhe Karrierë!
Sot, me respekt të madh, profesor Remzi Ademin, pas një karriere të gjatë e të suksesshme si profesor i matematikës dhe si pjesë e rëndësishme e Qendrës për Karrierë, del në pension.
Për shumë breza nxënësish, profesori Remzi ishte një figurë frymëzuese, që i udhëhoqi jo vetëm drejt sukseseve akademike, por edhe drejt zgjedhjeve të duhura në karrierë.
Me përkushtimin e tij të palodhur në mësimdhënie dhe ndihmën që ka ofruar për orientimin e karrierës, ai ka lënë një trashëgimi të çmuar.
Profesori Remzi ka qenë shembull për profesionalizëm, duke u kujdesur gjithmonë që çdo nxënës të merrte njohuri dhe udhëzim për një të ardhme të suksesshme.
Falë tij, shumë të rinj kanë gjetur rrugët e tyre në jetë, të pajisur me dijet e matematikës dhe këshillat e çmuara për karrierën.
Faleminderit për çdo përpjekje që keni bërë dhe për çdo rrugë që keni ndriçuar!
Urime për pensionimin e merituar, profesor!
