Është pensionuar profesori i lëndës së historisë Ismet Morina, i cili për 33 vite me radhë punoi në arsim në Shkollën e Mesme të Lartë “12 Maji” në Ratkoc, shkruan AlbanianEducation.net.
Njoftimin e ka dhënë Avni Morina, drejtor i Arsimit në Rahovec.
Njoftimi i drejtorit të Arsimit në Rahovec:
Sot, 21 mars 2025, doli në pension profesori i lëndës së historisë Ismet Morina, i cili për 33 vite me radhë punoi në arsim në Shkollën e Mesme të Lartë “12 Maji” në Ratkoc.
Me profesorin Ismet mbajtëm mësim edhe në kohërat më të vështira, gjatë viteve të luftës, duke udhëtuar çdo ditë me dhjetëra kilometra, atëherë kur regjimi serb na përzuri nga objekti i shkollës në Ratkoc dhe ne u detyruam për më shumë se 1 vit të zhvendoseshim dhe të mbanim mësim në objektin e shkollës fillore në Malësi të Vogël.
Në emër të DKA-së, Profesorit Ismet Morina i urojmë ditëlindjen e 65- ë dhe pensionimin, duke i uruar shëndet dhe jetë të gjatë!
