Pensionohet profesori Beg Kastrati nga Rahoveci, dha 33 vjet kontribut në arsimin shqip

Është oensionuar profesori Beg Kastrati nga Rahoveci, pas kontributin 33-vjeçar në arsimin shqip, shkruan AlbanianEducation.net.

Njoftimin e ka dhënë Avni Morina, drejtor i Arsimit në Rahovec.

Postimi i tij:

Sot, më 20 tetor 2023 ka ditëlindjen profesori Beg Kastrati, të cilin po e përcjellim në pension.

Profesori i lëndës së kimisë Beg Kastrati dha një kontribut të çmuar në mësimdhënien lëndore në Shkollat e Mesme të Larta të komunës sonë, për 33 vite me radhë.

Në emër të Drejtorisë Komunale për Arsim, profesorit Beg Kastrati i urojmë ditëlindjen dhe pensionimin.

Njëkohësisht, i urojmë shëndet dhe jetë të gjatë së bashku me familjen dhe miqtë!

Mirënjohje dhe respekt për të gjithë kontributin që ke dhënë në edukimin dhe arsimimin e shumë brezave.