Është pensionuar profesoresha Selvie Salihu, nga Podujeva e cila për dekada me radhë dha një kontribut të çmuar duke edukuar dhe frymëzuar breza të tërë nxënësish, shkruan AlbanianEducation.net.
Njoftimi i IAAP “Isa Boletini” në Podujevë:
Prof. Selvie Salihu, profesoreshë e gjuhës angleze, për dekada me radhë dha një kontribut të çmuar në Shkollën Ekonomike, duke edukuar dhe frymëzuar breza të tërë nxënësish.
Me përkushtim, profesionalizëm dhe dashuri për dijen, ajo e shndërroi mësimin e gjuhës angleze në një udhëtim motivues drejt komunikimit, kulturës dhe vetëbesimit.
Sot, në ditën e pensionimit të saj, shprehim mirënjohjen më të thellë për punën e palodhur dhe gjurmën e pashlyeshme që la në arsim.
I urojmë shëndet, gëzim dhe ditë të mbara në këtë kapitull të ri të jetës, duke mbajtur me vete respektin dhe vlerësimin e kolegëve e nxënësve të saj.
