Ka dalë në pension profesoresha Pashije Basha, pas 37 viteve të përkushtimit dhe punës së palodhur në arsim, shkrua AlbanianEducation.net.
Njoftimi i shkollës “Xhavit Ahmeti”, në Hodonoc në Kamenicë:
E dashur Profe Pashije Basha,
Me rastin e daljes suaj në pension pas 37 viteve të përkushtimit dhe punës së palodhur, ju dërgoj urimet më të përzemërta dhe mirënjohjen më të thellë. Gjatë gjithë këtyre viteve, ju keni qenë një figurë frymëzuese dhe një shembull i shkëlqyer për të gjithë ata që patën fatin t’ju kenë pranë.
Mësimet, përkushtimi dhe dashuria juaj për profesionin kanë lënë gjurmë të pashlyeshme te shumë breza.Ndikimi juaj do të mbetet i paharrueshëm në zemrat dhe mendjet e të gjithëve që keni prekur me urtësinë dhe humanizmin tuaj.
Uroj që ky kapitull i ri në jetën tuaj të jetë i mbushur me gëzim, shëndet dhe qetësi. Le të jetë koha juaj për të shijuar frytet e punës suaj të jashtëzakonshme dhe për të ndjekur pasionet që gjithmonë keni dashur të ndiqni.
Me shumë respekt dhe dashuri,
Drejtoresha e ShFMU “Xhavit Ahmeti”
Lirije Kallaba
