Është pensionuar një nga profesorët më të njohur mitrovicas të Gjimnazit “Frang Bardhi”, Halim Nimani.
Njoftimin e ka dhënë shkolla, e cila ka publikuar edhe fotografi nga momenti kur i ndahet një mirënjohje profesorit Nimani.
Njoftimi i shkollës:
Nuk ka vepër më fisnike, mision më të shenjtë se misioni i mësimdhënies.
Në rrugë të këtij misioni për 40 vjet ishte profesori i nderuar Halim Nimani me një përkushtim të jashtëzakonshëm dhe një kulturë pedagogjike.
Në ambientet e shkollës sonë, në mesin e kolektivit, profesori festoi sot ditëlindjen e 65- të.
Mirënjohje për punën dhe përkushtimin në edukimin e brezave të tërë nxënësish i shprehën drejtori i shkollës, z.Vesel Sahiti dhe gjithë kolektivi.
Ta gëzoni ditëlindjen dhe pensionimin profesor i nderuar!
Shëndet e mbarësi!
