Është pensionuar Gjylie Bala, mësuese e shkollës fillore “Faik Konica” në Prishtinë, shkruan AlbanianEducation.net.
Arsimtarja Gjylie 41 vjet ka qrnë pjesë e sistemit arsimor.
Njoftimi i shkollës:
U mblodhëm bashkë sot me rastin e pensionimit dhe të ditëlindjes së mësimdhënëses sonë të dashur, znj. Gjylie Bala.
Ndoqëm një program artistik dhe u mbushëm me emocione nga befasitë e tre brezave që shprehën falenderimin dhe mirënjohjen e tyre për arsimtaren dhe që nderuan shkollën me prezencën e tyre kushtuar ditëlindjes së mësimdhënëses sonë.
Mësimdhënës, stafi i shkollës si edhe kolegë tashmë të pensionuar na nderuan në programin tonë për të treguar vlerësimin ndaj arsimtarës Gjylie.
Arsimtarja Gjylie tash e 41 vjet është pjesë e sistemit arsimor, duke sjellur pozitivitet tek të gjithë nxënësit. Si udhëheqëse e shkollës, por edhe si mësimdhënëse gjithmonë ka përkrahur pa ndalur idetë e nxënësve dhe kretivitetin e tyre.
Një falenderim i veçantë për mësimdhënësen Gjylie, për kontributin dhe angazhimin e saj gjatë gjithë këtyre viteve, për mësimet dhe kujtimet e bukura që na ke ofruar ne të gjithëve.
