Shkolla “Shkëndija” në Hajvali ka njoftuar se është pensionuar mësuesja Fahrije Osmani Ajeti, e cila për dekada të tëra i shërbeu arsimit me përkushtim, profesionalizëm dhe dashuri të pakushtëzuar për nxënësit, shkruan AlbanianEducation.net.
Shkolla thotë se mësuesja Fahrije gjatë rrugëtimit të saj la gjurmë të pashlyera në zemrat e shumë gjeneratave.
“Me punën, urtësinë dhe përkushtimin e saj, ajo edukoi dhe frymëzoi mijëra nxënës, duke u bërë shembull i një mësimdhënëseje të denjë dhe të respektuar”, thuhet në njoftimin e shkollës.
Njoftimi i shkollës “Shkëndija”:
Pensionimi i Mësueses Fahrije Osmani Ajeti
Me emocione të veçanta dhe me shumë respekt, përcollëm në pensionim mësuesen tonë të dashur, Fahrije Osmani Ajeti, e cila për dekada të tëra i shërbeu arsimit me përkushtim, profesionalizëm dhe dashuri të pakushtëzuar për nxënësit.
Gjatë rrugëtimit të saj në shkollën tonë, ajo la gjurmë të pashlyera në zemrat e shumë gjeneratave. Me punën, urtësinë dhe përkushtimin e saj, ajo edukoi dhe frymëzoi mijëra nxënës, duke u bërë shembull i një mësimdhënëseje të denjë dhe të respektuar.
Për të shprehur mirënjohjen dhe dashurinë ndaj saj, u organizua një ceremoni e veçantë me plot befasi, emocione dhe kujtime të bukura. Ish-nxënës nga gjenerata të ndryshme, stafi i shkollës dhe nxënësit tanë u bashkuan për ta nderuar dhe falënderuar për kontributin e jashtëzakonshëm që ka dhënë ndër vite.
Lotët e gëzimit, fjalët e zemrës dhe kujtimet e ndara dëshmuan më së miri se sa e dashur dhe e vlerësuar ka qenë mësuesja Fahrije për të gjithë ne.
E nderuara mësuese Fahrije, faleminderit për çdo ditë pune, për çdo këshillë, për çdo buzëqeshje dhe për çdo gjurmë të bukur që keni lënë në shkollën tonë. Trashëgimia juaj do të jetojë përherë në kujtimet e kolegëve dhe të nxënësve tuaj.
Ju urojmë shëndet, lumturi dhe ditë të mbushura me gëzim në këtë kapitull të ri të jetës suaj. Pensionimi është fundi i një karriere të suksesshme, por fillimi i një periudhe të re të bukur dhe të merituar.
Me respekt, mirënjohje dhe vlerësim të thellë për kontributin tuaj të çmuar në edukimin e brezave të tërë, shkolla jonë do t’ju kujtojë gjithmonë me krenari dhe dashuri.
Drejtoresha e Shkollës
Msc. Minire Musliu Berisha
