Është pensionuar mësuesi Haxhi Laha nga Deçani pas 43 vitesh pune në arsim, shkruan AlbanianEducation.net.
Njoftimi nga drejtoresha e shkollës Teuta Haxhiu:
Urime ditëlindja!
Urime pensionimi i dashur mësues, Haxhi Laha!
Pas më shumë se 43 vitesh pune të palodhshme në arsim me zell e përkushtim të rrallë në përhapjen e diturisë për nxënësit e trevës sonë, sot mësuesi ynë i dashur Haxhi Laha mbushi 65 vjet me çrast edhe u pensionua.
Kjo është jeta, këto janë ciklet e saja të natyrshme, por e rëndësishme mbetet vepra dhe gjurmët që lë pas secili pren nesh.
Kolegu ynë Haxhi Laha, me punën e tij të vyer do të mbetet shembull i një mësuesi shembullor që dha pa kursim çdo gjë nga vetja e tij në shërbim të brezave e të atdheut, prandaj sot drejtoria e shkollës sonë “Dy dëshmorët” me respekt të veçantë dhe konsideratën më të lartë për kontributin e tij në proçesin edukativo-arsimor i thurëm lëvdata dhe ndamë mirënjohje për arritjet e tij gjatë procesit mësimor, plot 43 vjet.
Me këtë rast, në ditëlindjen e 65-të, ne kolegët e tij nga zemra edhe njëherë edhe përherë i urojmë shëndet të plotë, jetë të gjatë e të lumtur pranë më të dashurve të tij dhe pleqëri të mbarë!
