Është pensionuar mësuesi Ferki Krasniqi. Njoftimin e ka dhënë shkolla “12 Qershori” në fshatin Mihaliq, shkruan AlbanianEducation.net.
Njoftimi i shkollës:
Sot u pensionua arsimtari
Ferki Krasniqi
Me respekt të madh dhe mirënjohje të thellë, sot i shprehim një përshëndetje të veçantë arsimtarit tonë të nderuar, z. Ferki Krasniqi, me rastin e daljes së tij në pension.
Arsimtari Ferki Krasniqi ka qenë një edukator shembullor dhe një model i pashoq për të gjithë ne. Përkushtimi dhe dashuria e tij ndaj nxënësve kanë lënë gjurmë të pashlyeshme.
Gjatë ceremonisë së lamtumirës, kolektivi i shkollës, nxënësit dhe drejtori i shprehën falënderime të përzemërta për kontributin e tij të madh. Të pranishëm ishin edhe familjarët e tij, të cilët me krenari ndoqën këtë ngjarje të veçantë.
Me plot mirënjohje dhe respekt, i urojmë arsimtarit Ferki Krasniqi shëndet dhe lumturi në këtë kapitull të ri të jetës së tij. Faleminderit për gjithçka!
Me respekt,
SHFMU “12 QERSHORI” MIHALIQ
