Është pensioniuar Bedrush Krasniqi nga Damaneku i Malishevës, pas 43 viteve të përkushtuara në shërbim të arsimit dhe edukimit të brezave, shkruan AlbanianEducation.net.
Njoftimi i shkollës “Ramadan Morina”:
Sot u pensionua mësuesi ynë i nderuar,
Bedrush Krasniqi, pas 43 viteve të përkushtuara në shërbim të arsimit dhe edukimit të brezave.
Në një atmosferë të ngrohtë dhe plot emocione, nxënësit, ish-nxënësit, dhe kolektivi i shkollës i dhanë lamtumirën simbolike mësuesit të tyre të dashur, duke shprehur mirënjohje për kontributin e tij të çmuar ndër vite.
Mësuesi Bedrush është nipi i atdhetarit të njohur Kadri Minushi, i cili, bashkë me Vesel Pagarushen dhe Kajtaz Ramadanin, solli Abetarën në trevën tonë – një gur themel në historinë e arsimit shqip.
Në këtë ditë të veçantë, i dëshirojmë mësuesit Bedrush shëndet, lumturi dhe një pension të qetë e të merituar. Emri dhe vepra e tij do të mbeten përherë në kujtesën tonë.
Me respekt dhe mirënjohje,
Drejtori i shkollës
Zeqir Kastrati
