Kolektivi i shkollës “Dëshmorët e Zhurit” në Zhur i dha lamtumirën në mënyrë simbolike mësuesit dhe ish-drejtorit Bedri Hoxhaj, i cili doli në pension pas një karriere të gjatë, të suksesshme dhe të përkushtuar në arsim.
Me dekada përvojë në mësimdhënie dhe me një përkushtim të palëkundur ndaj dijes dhe nxënësve, mësuesi Hoxhaj ka lënë një trashëgimi të pasur edukative dhe njerëzore në shkollën tonë.
Ai është vlerësuar gjithmonë për profesionalizmin, urtësinë dhe rolin e tij frymëzues si koleg dhe edukator.
“Në emër të gjithë kolektivit të shkollës, i urojmë shëndet dhe qetësi në vitet që vijnë. Jemi thellësisht mirënjohës për gjithçka që ka dhënë mësuesi Bedri Hoxhaj për shkollën dhe komunitetin tonë,” – tha drejtoresha e shkollës, Nadije Ajazaj. /AlbanianEducation.net/.
