Pensionohet mësues Nezir Neziri, pas dekadash kontribut në arsim 

Pas dekadash përkushtimi në shërbim të arsimit shqip, mësuesi Nezir Neziri ka dalë në pension, duke mbyllur një kapitull të rëndësishëm të historisë arsimore në vend.

I njohur për përkushtimin, durimin dhe dashurinë ndaj nxënësve, ai ka lënë gjurmë të pashlyeshme te breza të tërë.

Mësues Neziri nuk ishte vetëm ligjërues, por udhërrëfyes dhe shembull frymëzimi.

Ai ka dhënë mësim edhe në fshatrat e largët Patalishtë dhe Sërmnovë, duke përballuar rrugë të gjata e kushte të vështira, vetëm që drita e dijes shqipe të mos shuhet.

Pensionimi i tij shënon fundin e një epoke, por jo fundin e ndikimit të tij, i cili do të jetojë gjatë në kujtesën kolektive.