Shkolla “Eqrem Çabej”, në Mitrovicë ka njoftuar se është pensionuar mësimdhënësja Sevdije Azemi, shkruan AlbanianEducation.net.
Shkolla thotë se mësuesja Sevdije gjatë këtyre viteve, ka dhënë kontribut në edukimin dhe arsimimin e shumë gjeneratave të nxënësve, duke ushtruar me përkushtim profesionin e mësimdhënëses së gjuhës shqipe.
Njoftimi i shkollës:
E nderuara mësimdhënëse Sevdije Azemi,
Po shënoni përfundimin e një kapitulli të rëndësishëm në jetën tuaj profesionale, pas katër dekadash angazhimi në arsim.
Gjatë këtyre viteve, keni dhënë kontributin tuaj në edukimin dhe arsimimin e shumë gjeneratave të nxënësve, duke ushtruar me përkushtim profesionin e mësimdhënëses së gjuhës shqipe.
Në emër të kolektivit të shkollës, ju falënderojmë për punën dhe bashkëpunimin ndër vite. Ju urojmë shëndet, lumturi dhe ditë të mbushura me qetësi e kënaqësi në periudhën e pensionimit.
Urime pensionimi dhe suksese në çdo hap të mëtejmë të jetës!
