Është pensionuar mësimdhënësja Nexhmije Isufi nga Prishtina.
Njoftimin e ka dhënë shkolla “Xhemail Mustafa” nga Prishtina, e cila në njoftim thotë se mësuesja Nexhmije ka qenë një shembull i shkëlqyer i përkushtimit, profesionalizmit dhe dashurisë për arsimin, shkruan AlbanianEducation.net.
Njoftimi:
Pensionimi i mësueses Nexhmije Isufi
📝Me rastin e pensionimit të mësueses Nexhmije, stafi i shkollës sonë dëshiron t’i shpreh mirënjohjen të thellë dhe respekt të pakufishëm për kontributin e çmuar që ka dhënë ndër vite.
Mësuesja Nexhmije ka qenë një shembull i shkëlqyer i përkushtimit, profesionalizmit dhe dashurisë për arsimin. Përmes përpjekjeve dhe përkujdesjes së saj, breza të tërë nxënësish kanë marrë jo vetëm mësime e njohuri, por edhe vlera të larta njerëzore që do t’i ndjekin gjatë gjithë jetës së tyre.
Pensionimi i mësueses Nexhmije ishte një moment për të festuar suksesin dhe ndikimin e jashtëzakonshëm që ka pasur në arsim. Megjithatë, trashëgimia e saj do të mbetet e gjallë në shkollë dhe në zemrat e të gjithë atyre që kanë pasur fatin të punojnë me të dhe të mësojnë nga ajo.
E falënderojmë për gjithçka dhe i urojmë që ky kapitull i ri të jetë i mbushur me shëndet, lumturi dhe momente të qeta e të gëzuara.
Me shumë respekt dhe dashuri,
Stafi i Shkollës ✨
