Është pensionuar mësimdhënësja e historisë, Fatime Xhara.
Shkolla e Mesme e Ulët “Gani Saramati” në Prizren e ka falënderuar arsimtaren për kontributin dhe përkushtimin e saj në mësimin e nxënësve jo vetëm për historinë, por edhe për vlerat e jetës.
Njoftimi i shkollës:
Sot i themi faleminderit një mësimdhënëseje të jashtëzakonshme, zonjës së respektuar, Fatime Xharra, e cila pas shumë vitesh përkushtimi, durimi dhe dashurie për dijen, po nis kapitullin e ri të pensionimit.
Me punën, përkushtimin dhe qëndrimin e saj, ajo ka lënë gjurmë në breza nxënësish, duke i mësuar jo vetëm lëndën e Historisë, por edhe vlerat e jetës. Kontributi i saj do të mbetet gjithmonë i çmuar dhe i paharruar në kujtesën institucionale të ShMU “Gani Saramati”.
Urime pensionimin, arsimtarja Fatime! Mirënjohje e përjetshme për gjithçka që ke dhënë.
