Pas 42 vitesh kontribut në arsimin shqip në komunën e Pejës, sot është pensionuar mësimdhënësi Xhafer Avdyli, shkruan AlbanianEducation.net.
Më poshtë lexoni një shkrim i shkruar nga drejtori Beqir Sadiku, i shkollës “Zef Serembe” në Gllaviçicë komuna e Pejës ku ka dhënë sëfundmi mësim mësuesi Xhafer.
Shkrimi i plotë:
Sot në shkollen fillore dhe te mesme të ulët “Zef Serembe” në Gllaviçicë komuna Pejë u bë përcjellja solemne e mesimdhësit shumëvjeçar Xhafer Avdyli i cili për 42 vite kontribuoi për arsimin shqip ne Komunën e Pejës me çka e deshmojnë shumë mirënjohje dhe lavdata për punën edukativo arsimore me nxënës.
E potencuan shumë kolegë dhe ish kolegë tani pensonist dhe një numer ish drejtorve pranë kesaj shkolle.
Ish drejtori Lush Ahmeti potencoi:
“Dalja në pension nga puna, por jo nga jeta. Kontributi juaj është i pazëvendësueshëm. Përkushtimi juaj është i pamasë. Fjalët tuaja udhëzuese janë të paçmueshme. Dhe mungesa juaj është e papranueshme por mosha e bënë te veten. Por ne e dimë se nuk mund ta mbajmë më lumturinë tuaj dhe deshiren për punë sepse duhet zbatuar ligjet e jetës, Ju uroj një pushim të lumtur dhe kuptimplotë me familjen dhe miqtë!”, tha ai.
“Një falenderim, mirënjohje dhe përulje për gjithë kontributin e vyer në edukimin e brezave”.
“Për shumëçka do të ndjeheni të lehtësuar, ashtu sikurse do të ndjeni mall e nostalgji për nxënësit e kolegët tuaj. Do të ketë gjithnjë një zile telefoni që do bjerë në një fillim viti shkollor, apo më 6 dhe 7-mars. Do të jenë ish nxënësit tuaj, për të cilët do të ndjeni gjithnjë mall e nostalgji. Aty do të vlerësoni kontributin e jashtëzakonshëm që keni dhënë përgjatë viteve”.
Arsimtari Xhfl siç e quajnë ndryshe, ka rrëfyer jetën e tij profesionale për gjithë këto vite në arsim dhe ndjenjën që ka tash me rastin e pensionimit.
“Kënaqësi që arrita moshën e pensionimit, por njëkohësisht edhe pikëllim që tash po e lë profesionin që kam kryer për 42 vjet me radhë. Kjo është ndjenja e përzier që po më përcjell tash pas 42 vitesh punë si mësimdhënës”, shprehet arsimtari Xhafer.
Ai thotë se në gjithë këto vite të punës ka pasur kohë të mira, por edhe të vështira.
“Por, tani kur kam dalë në pension e më duket sikur dje kam nisur profesionin si mësimdhënës, ndërsa sot po e përfundoj!”, shprehet arsimtari Xhafer
Ai shprehet falënderues gjithë stafit të shkollës ku në mesin e kolegëve të tij ka dhe ish- nxënës.
Por, ajo që e gëzon arsimtarin Xhafe është fakti se nxënësit e tij të shumë gjeneratave dalloheshin për arritje e ruajtje të cilësisë mësimore, mandej edhe në përvetësimin e dijeve në ciklin e lartë të arsimit më tej.
Ndërkohë harmonia me kolektivin ishte një virtyt tjetër i mësuesit Xhafer. Për të ruajnë respekt të veçantë edhe kolegët e tij të punës. Ata japin vlerësimet më të larta për të jo vetëm si edukator, por edhe si njeri.
Madje, ish- drejtori i shkollës “Zef Serembe”, Lush Ahmeti e vlerëson si të palodhshëm dhe një mësimdhënës shembull për gjeneratat e ardhshme.
Ai është shprehur falënderues ndaj kontributit të tij që ka dhënë për edukimin e brezave të rij.
“Kemi qenë kolegë të mirë me njëri tjetrin, kemi punuar shumë vite bashkë dërkaq ne tani që ka dalë në pension i uroj shëndet dhe gjitha të mirat”, ka thënë Lush Ahmeti. /AlbanianEdducation.net/.
