Pensionohet mësimdhënësi shumëvjeçar mitrovicas, Haki Shyti

Është pensionuar dje mësimdhënësi shumëvjeçar mitrovicas, Haki Shyti.

Haki Shyti edukoi breza të tërë për katër dekada të angazhimit e kontributit të tij në arsim.

Komuna në mars të këtij viti vlerësoi kontributin e tij duke e zgjedhur mësuesin e dalluar të qytetit në mesin e 33 mësimdhënësve më të mirë.

Në nder të tij u organizua ceremoni ku morën pjesë kolektivi i shkollës “Abdullah Shabani” ku Shyti ka qenë drejtor dhe ai i shkollës së mesme të Mjekësisë, “Dr. Xheladin Deda” ku shërbeu si mësimdhënës, dhe u ndanë mirënjohje nga Drejtoria e Arsimit dhe u shfaq dokumentar dedikuar angazhimit të tij.