Është pensionuar mësimdhënësi Remzi Krasniqi nga Peja. Njoftimin e ka dhënë shkolla e Artit në Pejë, shkruan AlbanianEducation.net.
Në njoftim thuhet se mësimdhënësi Remzi përmbyll me dinjitet një kapitull të jashtëzakonshëm të jetës profesionale, duke lënë pas një trashëgimi të çmuar për gjenerata të tëra.
Ai plot 38 vite ka kontribuar në arsim.
Njoftimi i shkollës së Artit në Pejë:
Një jetë e tërë në shërbim të arsimit – Faleminderit Remzi Krasniqi!
Pas plot 38 viteve kontribut në arsim, kolegu ynë i nderuar Remzi Krasniqi përmbyll me dinjitet një kapitull të jashtëzakonshëm të jetës profesionale, duke lënë pas një trashëgimi të çmuar për gjenerata të tëra.
Kontributi i tij është i gjerë dhe i jashtëzakonshëm:
38 vite në arsim, me përkushtim të palëkundur;
4 vite koordinator për ndërtimin e objektit shkollor, me donacione nga mërgata dhe banorët e 7 fshatrave;
11 vite drejtor i shkolles ne Poçestë, ku në vitin 1996 shkolla u shpall më e mira në komunë, e shpërblyer nga LASHI;
Iniciues i ambulancës së parë shkollore në Kosovë (1997);
Themelues dhe adaptues i kabinetit të informatikës (1997);
Organizues dhe financues i klubit të futbollit për nxënës dhe të rritur për 10 vite;
Koordinator për rinovimin e shkollës pas luftës me ndihmën e mërgatës;
Iniciues dhe ndërtues i ambulancës së fshatit Poçestë pas luftës;
Koordinator për projekte jetike: ngrohja në shkollë, rrethimi i saj dhe i ambulancës, si dhe ujësjellësi;
Përveç kontributit profesional, ai ka kaluar edhe sfida të mëdha personale:
Gjatë 16 viteve, 3 herë i arrestuar dhe i keqtrajtuar nga UDB, me pasoja të përhershme;
Bastisje të shumta në shkollë dhe në shtëpi;
Përjetoi djegien e shkollës dhe shtëpisë së tij – të parat në trevën tonë.
Puna dhe sakrifica e tij janë vlerësuar me shumë mirënjohje dhe çmime:
Nga LASHI;
Nga Ramiz Zeka për koordinimin e fondit 3% për 10 vite;
Nga përfaqësuesi i shoqatës “Nënë Tereza”;
Nga Ministri i Shëndetësisë Numan Baliç për kontributin në ambulancën e fshatit;
Nga “Rotary Club” i Stuttgartit për mbështetje në dy objekte ambulante.
🙏 I nderuar koleg Remzi Krasniqi,
Faleminderit për gjithçka që ke dhënë ndër vite!
