Është pensionuar mësimdhënësi Nexhmedin Ajvazi, shkruan AlbanianEducation.net.
Shkrimi i plotë:
Me rastin e pensionimit të arsimtarit, të lëndës së Matematikës, Nexhmedin Ajvazi, i shprehim mirënjohjen tonë të thellë për kontributin e dhënë gjatë misionit të tij prej mësimdhënësi.
Për vite të tëra, pothuajse për gjysmë shekulli (44 vite) ka udhëhequr dhe ka ndikuar drejtpërsëdrejti në rrafshin edukativo- arsimor të shumë brezave, duke bërë që ata të ndjekin ëndrrat e tyre dhe t’i arrijnë qëllimet në jetë.
Me pak fjalë nund të themi se arsimtari Nexhmedin Ajvazi ishte një nga mësimdhënësit më të veçantë që me punën e tij, la gjurmë në edukimin dhe arsimimin e brezave, jo vetëm të shkollës sonë, por edhe më gjerë, duke dhënë shembullin e përkushtimit profesional, dhe të një qytetari model e të dalluar për vlera intelektuale e njerëzore.
Falenderojmë për çdo moment, çdo mësim, çdo fjalë inkurajimi që keni ofruar.
Pensionimi është një kapitull i ri për jetën tuaj, andaj ju urojmë shumë lumturi, shëndet dhe suksese në këtë fazë të re të jetës.
Mirënjohje dhe respekt nga stafi i shkollës sonë.
