Pensionohet mësimdhënësi Nefail Rrahimi nga Vitia

Kryetari i komunës së Vitisë, Sokol Haliti, ka pritur sot në takim mësimdhënësin vitias, Nefail Rrahimi, i cili sapo ka dalë në pension.

Me këtë rast ai e falënderoj atë për kontributin e dhënë në arsim ndër vite, duke e çmuar lartë punën dhe kontributin në edukimin e gjeneratave të shumta me ç’rast i ka ndarë  Rrahimit një mirënjohje.

Kryetari Haliti, tha se si institucion komunal kemi vendosur që të zhvillojmë traditën e respektimit të atyre që në veçanti kanë kontribuar në edukimin dhe arsimimin e brezave të rinjë.

Përndryshe, Nefail Rrahimi ka punuar 26 vite si mësimdhënës, në shkollën fillore “Dëshmorët e Lubishtës”, në Lubishtë.